阿家講古(六) 一個人徛佇月台頂 看著塗跤 毋知是焦抑袂 定著是遮禮拜雨直透落e關係 橐袋仔賰無偌濟 祇賰一通接無到e電話 耳孔傳來幾句話 頭殼煞不時底想 有偌久無挈厝內e碗箸仔 好好坐落仔食一頓飯 一根香蕉、一塊麭 嘛會當過 一個人踏上火車 拭著目眶 電話彼頭落雨聲 【逐擺oh新詞:偌濟guā-tsē(多少)】 阿家講古(五) 今仔日下晡到紙寮,足感謝烏牛欄手工巧克力e頭家所提供的tsioo koo le too,毋爾色緻真媠,連食起來嘛真香。感謝各位e支持,辛苦囉。 【逐擺oh新詞:媠suí(美)】 烏牛欄手作巧克力:https://www.facebook.com/groups/111333865587344/ 阿家講古(四) 佇我對北城前驛坐返來埔城進前,聽人講目[目+聶]仔就落一陣大雨,真誠驚死儂。閣較悽慘e是,我e安全帽子內底攏總澹漉漉,毋知袂按怎,後尾仔抑是不情願甲tì上。 【逐擺oh新詞:目[目+聶]仔ba̍k-nih-á(轉眼間)】 阿家講古(三) 今仔日透早,阮佮甘老師、幾個同學作伙佇香楠樹仔e小路翕相,遮擺特別邀請一个學生做女主角。誠多謝伊e鬥相共,tsiah會當予這改e活動遮爾仔順勢。 【逐擺oh新詞:鬥相共tàu-sann-kāng】 阿家講古(二) 今仔日下晡,府城天色烏陰烏陰,看起來親像咧欲落雨,無一時就真正開始落微微仔雨,紮了雨幔,袂記例紮傘,無物會使遮雨,結果規身軀攏沃甲澹糊糊。 【逐擺oh新詞:雨幔hōo-mua】 |
Author凃說 Archives
June 2014
Categories |